الخميس، 23 أبريل 2009

ايه ده هوه فيه كده

إزيكووم عامليين إيه بآلي اسبوع وعامين مش شيفاكوا :d
ايي والله ولهنا بس مو وايد:d
إيي صج ترى لا تحسبوني ناسيتكم انا متابعه بس وراء الكواليس :D

"أول شي أخوي mo3ath خطاك السو
وما تشوف شر !! عين ما صلت على النبي
بس لا يضيق خلقك وانا اختك السياره بدالها ألف
بس الروح ما تعوض بعدين ويين نلقى مثلك :]
قال تعالى : ( قُلْ لَنْ يُصِيبَنَا إِلَّا مَا كَتَبَ اللَّهُ لَنَا هُوَ مَوْلانَا وَعَلَى اللَّهِ فَلْيَتَوَكَّلِ الْمُؤْمِنُونَ ) (التوبة:51)"



"Najma عشان خاطر عيونج هاليوست ماكو أزرق "

موضوع البوست كله في part 1 اما part 2 حق الي له خلق يقراه يعطييه العافيه لان تعبت وانا انسق :] يعني الزبده حجي فاضي بس بطول البوست ما احب اكتب بوست بو حرفين بآخذلي دوره في بوست بو حرفين منو يعطيني ؟عشان ارتاح نفسيا ويصير لي خلق أكتب :d

^^^^^^^^^^^^^^^^^
Part # 1

اليوم الأحد:22 /3/2009
الساعه تشير إلى : 1:04 ظهرا
المكان : جامعة الكويت – كلية العلوم الإداريه
Class # : 214

أول مره أدخل قبل هالدكتور :p .. المهم قلت دام اني اول مره أدخل قبل الدكتور لازم أكمل إحساني .. وأصير خوش بنيه وشطوره وأبطل من سوالفي .. قلت بقعد بالسطره الثانيه بدال الأخيره ... وبنتبه وأكتب مع الدكتور بدال لا أدز مسجات حق أم مويضي :p ..,,!!
المهم رحت حق السطره الثانيه !!.. وحطيت ريل على ريل أنطر الدكتور ..!!




على طاري الدكتور "بدون ذكر اسماء " وبيني وبينكم اهو نوعه ( الله بالخير) !! يعني فيه مرض استخفاف الدم المليق !
الي "يقلب الجبد" وانتوا بكرامه !




ما طول عليكم السالفه .. دخل الدكتور .. وبما ان الكلاس (كلاس بنات ) فالعموم يمارس هوايته المفضله وهي التناقش بالأمور السياسيه والإقتصاديه والإجتماعيه وكل ما يمس المجتمع الكويتي من صله قريبه كانت أم بعيده :d
وهم مو هاذي سالفتنا

المهم إزعاج وأوادم تسولف من كل عاير ...!!
ما وعينا @@ إلا الدكتور كاتب على اللوووووحه
بداية الإسبوع بطلوا كلام !! أنا ها @@
وبكل اللغات المفهومه والغير مفهومه @@
عاد يوتيرن ما صدقت خبر @@ وقلت بقلبي " خوش سالفه ألزقها بالبوست بس لازم أوثقها.. امممم شسوي شسوي إيي خلاص بصور اللوحه !!"
وبما أن موبايلي إيكفي ويوفي
قلت بجكلي جكتين فيه ....

بيني وبينكم أول مره بحياتي أكره سوني أركسون وخاصه موبايلي @@ الفضيحه

ليش؟
أنا أقولكم ليش ؟!
جكيت اول صوره كل شي تمام



قص علي الشيطان ووسوس وقالي " هاذي مو واظحه ظلمه @@ صوري غيرها @@ عشان البوست !!"
انا قلت يالله شنو بضرني أصور غيرها
وصوووووورت ولا @@

يطلع فلاااااااااااش أقوى من فلاش كامرة شارع الملك فهد @@


عاد تعرف الشعور الي ليما تسوي شي غلط ومن التدوده يوقف كل شي فيك وما تتحرك !! جنه أحد كات علييك ماي بارد !!

جان يشوفني الدكتور وانا مجمده بمكاني
" في أيه يا بت @@ هو انا بلبل الخليج ولا أيه " أو جايز من جمالي عام بتصوريني " @@"

طبعا ويهي بدا يقط ألواااااااااااان @@
" آسفه دكتور @@ بالغلط كنت بدز مسج "
" هي هي هي ما عليش يا بنتي أنا عارف ! هوا من جمالي الي مأطع بعضوا عشان تخزيلي صوره @@"
" انا ها ها ها آ.... س...ف...هــــــ "
" بس ترى عزرك أقبح من دنبك "
أنا :" نو كومنت @@.."!!

والي يمي تقولي شنو بتآخذين الكورس الياي بآخذ كل موادي وياج تونسين @@ >> تحسبني هبله الظاهر :d
وحرمت أجتهد مره ثانيه وأدش مبجر و أشد حيلي زياده وأقعد جدام !!
يا زيني وانا وره كافه خيري وشري وأسوي الي أبيه ولا من شاف ولا من دري !!
بس بعد الطفاقه وما تسوي

ما علينا


The end :P
^^^^^^^^^^^^^^^^^^^^^^^
Part #2
اليوم الخميس : 30/11/2006
الساعه تشيير إلى :2:00 صباحا
المكان : مــن إرشيفي الخاص .

"رســـاله إلى من يهمها الأمر ..!"

حان الوقت لكي أعتذر لكِ...
نعم لكِ أنتِ .... أعلم اني لا أعرفكِ ولكن ! ..
اقترفت خطأ في حقكِ !!

أحببت من تحبين
لم أكن أقصد ولكنه أسرني بحبه من غير لا أشعرلا أعلم هل هو يحبني أم لا ؟؟
ولكن كل ما أعلمه إني أحببته ...أحببته بقلبي لا بعقلي ...أحببته دون ان اشعر ؟!؟
كان دائم الحديث عنكِ لم ينساكِ يوماً ....
كنت أحب وفاءه وإخلاصه لكِ!
كانت تسحرني كلماته .. طريقته بالحديث .. تفكيره ... وشخصيته !!

أعلم إنني أخطأت ولكن من دون قصد ...
أعلم إن الذنب ذنبي ....وأعلم إني إرتكبت جريمه بحقكِ ...
كان يقول لي انه متيم بحبكِ .. كان يقول إنكِ ملاكه... ولن يحب غيركِ ..
كانت كلماته تمزق قلبي !!
كان يجرحني ولكن لم يكن يعلم بذلك ..
وأكثر ما كان يجرحني ويؤلمني عندما يقول لي :إنني أذكره بكِ....؟!
كان يجرح كبريائي من غير قصد ...
كانت كلماته ...كالسهام ...تخترق قلبي ...

أحببته ... نعم أحببته ....
أحببته ولكن ... بعد فوات الاوان ؟!
أعلم إنكِ تحبينه ...ولا أعلم هل ستسامحيني على فعلتي أم لا ؟
.كل ما أعرفه إنكِ محظوظه ... محظوظه لأنكِ ملكتي قلبه ...

حان الوقت ... لكي أعتذر ..!
حان الوقت لكي أرجوكِ أن تسامحيني على خطأ أقترفه قلبي ....!!
حان الوقت ... لكي أريح ضميري ....
حان الوقت ... لكي تنهمر دموعي على رجل أحببته ولكنه ملك لغيري ..
حان الوقت لأضع لقلبي قوانين جديده..
يا من أحببت .....
أرجوك تقبل إعتذاري بالنيابه عن قلبي الذي أخطأ ..
يا من لا أعرفها ....
أرجوكِ سامحيني ... وسامحي قلبي الذي أخطأ ...
حان الوقت ...
أرجوكِ سامحيني....
The End =)

"Note : ترى هالكلمات انا كاتبتها صح بس الي عايشتها أم مويضي مو تبلشوني بالردود ومنو هذا وشسالفته :d " يعني أنا مليش دعوه


^^^^^^^^^^^^^^^^^^^^
جنه البوست صار طويل ولا يتروالي :d
يالله ما أطول عليكم :] .. كافي جذي اليوم
نشوفكم بالبوست الياي على خير ان شاء الله
إيي نسيت في سؤال صارله جم يوم يحوس بقلبي
صج الي يدخل مدونتي عنده إحساس إنه داش فلم رعب ؟



ولا إشاعات :d

يالله فمان الله

هناك 27 تعليقًا:

Paris يقول...

لووول اشهالدكتور مالكم
يعني للحين ما وصلكم تطور للحين تستخدمون البلاك بورد
يازعم بجامعه و بلاك بورد و طباشير الله يعينكم..
احنا مطورين عيل :P
سبورة بيضه و اقلام عاديه و داتا شو و خرابيط مدارسنا صفوف الكترونيه و سمارت بورد
انا اتفق مع البنت الي كانت يمج صج شكلج تونسين مو على هباله بس طريقتج تونس

ما عليج لا جنها مدونتج فلم رعب و لا شي

Super Woman يقول...

هي هي هي


منو ام مويضي ؟؟؟

@@

joe يقول...

اولا : تثلم ايدج على هالبوثت الطيب

لحظة لحطة
قبل لاتصورين جان قلتي حق الدكتور يقول جيييز

Kuwait يقول...

لووووووووووووووووووووووووووول
والله ذكرتيني بنفسـي ايام الجامعه :\
ابي اسبوع واحد بالجامعه يعدي بدون حركات أرعه ماكو :q
@@
والله احيانا احس بهالشعور اني داشه مغارة علي بابا ;q

-mate يقول...

كااااااااااك

عجييييييب البوست
;)

بالنسبة حق بارت-1

إنتي بايعتها ياوخيتي!!

أشوه إنه الدكتور خفيف، وإمبين عليه رقلة ولا جان رحتي فيها ياوخيتي

مرة ثانية تأكدي إن الفلاش مو شغال، أهم شي السيفتي السيفتي
:))

أما بارت-2

رفيجتج أم مويضي باعتها أكثر منج!!

إشلوووون تسوي جذي إبرفيجتها، الله يهداها؟؟ هذي فيه تقطيع أواصر الصداقة. مافيها انقص لي مادري شنو

أما الملاحظة الأخيرة

مو بس إنتي اللي مدونتج ظلمة، آنا وياج مدوناتنا كسواد الليل المظلم

بس أقولن إذا بتغيرين المدونة وتكسينها بحلة جديدة، قوليلي .. مو تخونين!! باعتبار إن مدوناتنا اثنينا كالحة

وبانتظار بوستج القادم بعد شهرين ونص
:q

-mate يقول...

انقص علي**

حرف العين سقط سهواً

Q80 Blogger يقول...

حده فلم رعب

اي صح .. حطي جدول الكورس الياي عشان نسجل معاج ونضحك اشوي !!!! .. شكله وناسه !!


وبعدين منو منو منو الي في بارت تو ؟

:: بـوح الصمـت :: يقول...

لووول نفس طقة دكتورنا ونفس الصماخ الظاهر إخوان ;q

عاد أنا مصورته أكثر من مرة بس الحمدلله ليلحين ما جكني ولا جان صارت بلاوي ;q


-----


جميلة هي المشاعر والأجمل أن تصاغ بصدق إحساس :*
دام قلمكِ بخير والله يعين صديقتج :)


----

اممم فلم رعب يمكن ;q
أنا عن نفسي ما أحب اللون الأسود بالبلوق أحسه يقمت !

بالمناسبة مدونة رائعة =)

كوني بخير :)

لهيماني يقول...

اوووه طلعتي زميلتي

منو هذا؟ قمحاوي؟

U-Turn يقول...

هلا هلا paris
تو ما نور المكان :]

امبلى وصلنا التطور والله
بس شنسوي يحب الطباشير :d

عندنا حركات وداتا شو بس ما يحبهم لووول اهو يقول انا موبايلي بشار ولا يمكن أغيره :p

بعد قلبي والله اشوووه طلعت إشاعات يعني

:]

U-Turn يقول...

اهلا انتي هنيييي @@

شلون الي خبري خبرج لووووول :d


ام مويضي بعدين أعرفج عليها
عاد ميته تبي تتعرف علييج

نورتي يا بنت العم :d

U-Turn يقول...

هلا بأخوي المباركيه

لوووووووول
الله يثلمك حياك الله:d


لوووووووول ما يحتاي اهو كله يقول جيييز بدون لا نصوره :d

U-Turn يقول...

هلا وغلا
هلا بكويتنا :D

لووووووووول ايي الحال من بعضوا

ياربي شسوى المحاضره تنوم @@
لازم نسوي آكشن شوي :d

U-Turn يقول...

هلا بمايت مات ماتي ميت الي يعجيك
ولا اقولك بسميك ميمو يصير :d
لان تعقدت :d
بس شلالات تقول إن مايت وانا مو مقتنعه :d


المهم مو هذا موضوعنا
إيي والله ولا انا شكو اصوووره
لقااااااااااااااافه
شكوووو كله من بليس @@
ايي والله السيفتي اهم شي :d


لووووووول وعليه عليها ام مويضي
تعور القلب
توها طالعه من الطب النفسي
وبعدين هاذي مو رفيجتها أشكره ما قريتها كلها كااااااااااك طحنا علييك

شوووف تقول يا من لا أعرفها لووووووول
يالله سامحناك بس لا تعيدها :d


أفا علييك بس اغيرها وما اقولك
انت إذا غيرتها ما علييك امر غير معاك مدونتي :d



و بوستي القادم إحتمال عقب ثلاث تشهر إلا اسبوع :d

U-Turn يقول...

كويتي بلوقرز @@
سعادة حاضرة الدكتور هني :d

لوووووووول انت للحين عايش :d
اول شي انت ما تيوز من سوالفك @@
يعني شقصدك هل هذا تلميح اني هبله ام ماذا :d


وبعدين انا حاطتها لان اهي بالنسبه لك فلم رعب ادري فيك تحب افلام الرعب:d


وبعدين اشكره ما قريت بارت تو بس قر يت النوت الي حاطته لووووول

ما ادري اسئل ام مويضي واقولك @@

وحياك الله
مو آخر التسيورات ان شاء الله

U-Turn يقول...

بوح الصمت

تو ما نور المكان
حياج الله
نصبلج جاي, قهوه الي تامرين فيه :]


لووووووول يصير ليش لا :d
لا لا ديربالج ترى انا كليتها عدل للحين يعايرني فيها كل ما يشوفني
يسميني بتاعت التصوير لووووووول

____________________________

ودامت ايامج
ومرورج ان شاء الله
ويعين الجميع
عاد ام مويضي ما تستاهل :d

____________________________

اهو يقمت بس يا ربي فخم لوووووول
يونس سيد الألوان :d

مرورج الأجمل الله لا يحرمنا منه ان شاء الله

U-Turn يقول...

لهيماني
هلا فييك أخوي
لووووووووول شفت شلون الكويت صغيره


@@ وي وي وي
فضحت الريال هذا وانا مشقره شعره
وملبسته نظاره @@

اوووووووش يا معود اسمه احمد :d ماله داعي ذكر عوايل ما نبي ننقط بأمن الدوله :d

حياك الله اخوي
نورت المكان
ومو آخر التعليقات :]

mtfa2el يقول...

الصراحة جني داش فلم رعب

كله عبالي باسمع صوت الباب اللي يتسكر مال أفلام الرعب
:p

ريــــــانــه الـعـــــود يقول...

بارت ون

لوووول حدج بدعتي :)

لا تعيدينها مره ثانية

بارت تو

حسيت وانا اقرا ان هالكلام لايق على موقف ثاني فبالي
اقصد لما تحب شخص ومتأكد انه مو نصيبك وتدري ان لغيرك
بس غصبن عنك حبيته
مع ان مالك حق تحبه لأن لشخص ثاني
حتى انا ابي اعتذر منها
مع اني ما اعرفها :)

تسلمين على هالبوست وايد عجبني
واعتذر عالاطالة ..
دمت بخير

U-Turn يقول...

تفاءل :d

لوووووووول
انا اصلا بخليه عشانك انت وكويتي بلوقرز أدري انكم تحبون افلام الرعب :d

أفا علييك باجر ان شاء الله احط لكم الباب الي يتسكر :d



سؤال من زمان محيرني
ليش مدونتك برايفت :d
نبي نقراها :d

وحياك الله أخوي

U-Turn يقول...

ريانة العـــود
هلا فييج هلا :]


ايي حاضر ما راح اعيدها :d




اممممم بالضبط هذا الاقصد من الكلمات :]


منوره المكان
لا تقاطعيين :)

noor يقول...

لووووول

مو صج :)


يعطيج العافيه ع المجازفه بس لا تعيدينها مره ثانيه :)

يالزميله اشوه ان الدكتور قمحاوي مو واحد ثاني جان علووم :)

U-Turn يقول...

هلا وغلا نور


لووووووووول شفتي شلون @@

ايي آخر مره اسويها
ايي والله مجازفه بغيت اروح وطي



الله يعافييج ويخلييج

Eden يقول...

ههههههه حدي حبيت مدونتج

اتمنى تمرين عل مدونتي و تعطيني رايج فيها

مواضيعج تونس

يعطيج العافيه

غير معرف يقول...

اخييييييييييييييييييييييييييييييييييييييييييييييييييييييييييييييييه حددددددج عسل ،، اسلوووبج ايينن لوول

البارت الاول ،،
كاااااااااااااااااااااااااااااااااااااااااااااك العن ام الثقه قاعده ثاني سطره وتصوريين الدكتووور افاااااااااااااااااااء موو زيين تشهريين بعلم من اعلام الجامعه لووول < شكوو

البارت 2 ،،

حددده اححح =( ،، صج شعوور حددده خايس الله يعيينها ،،//

U-Turn يقول...

لووووووووووووول
غير معرف

امممم .. جنج / جنك مو غريب علي :d


المهم لووووول
مرورج/ك العسل :d


ايي والله أح :d


ويعين الجميع

The.One يقول...

LooooooooL

U-tirn دمج ينأط عسل :p

أهم شي الدكتور قالبته أرقوووز المسكين


ووالله طلعتي تعرفين ترقعين !
خوش ترقوعه , أنعجبت فيها