الأحد، 7 يونيو 2009

NEW LOOK تـــم بحمد الله

مساء الخير والنوير
وصباح النور والبنور :d
طبعا بخصوص اللوك اليديد .. زادت الشكاوي على البلوق
وفي أوادم عيونهم راحت !! وأوادم لبسوا نظارات
والسبه مدونتي الحنونه !!
ووصلنا تهديد إن في بعض العواذل بيشتكون علينا عند حماية المستهلك @@
فسوينا اجتماع انا وام مويضي لان بصراحه ألزم ما علي رايها !! بعد شريكتي بالمدونه شسوي
وقررنا الآتي :
1.إعفاء جميع المعلقيين من رسوم التعليق .
2. تحويل من اللون الأسود الداكن والظلام الدامس إلى اللون الرمادي وتعليق ثريه تتكون من لمبتين وحده للتنوير والثانيه سبير .
3.عدم إستخدام اللون الأزرق وذلك عشان خاطر نجمه.
4. عدم الإنقطاع عن التدوين بدون سابق إنذار .
5. سلامتكم !
وتعقيبا على هالبوست
^
^
تعبت وانا اتحلطم آخر جم بوست كلهم تحلطم !!
فقلنا نغير شي ... هالبوست شوي غير
يعني تقدرون تقولون جم كلمه يعني قلنا نصفها لكم تقرونها !! تقدرون تقولون ام مويضي مرت فيهم بهال19 سنه
وغششتني لان ما كنت ادري شنو انزل بهالبوست
أختصر الموضوع !!
ترى ما عندي سالفه :D بس ولهنا عليكم وزادت الشكاوي !!
والإيميل إنترس والأوادم طلعوا علي إشاعات
والعواذل وايد استانسوا
والربع والأشقاء قاموا يحاتوون
بختصاااااااااااااار صار لويه
فقلنا نثبت حق الأوادم إن إحنا للحين بهالدنيا عايشين :d
^^^^^^^^^^^^^^^^^^^^^^^^^
كنـــا يهال !!
*************
في يوم من الأيام كنا صغار !!
كان ما يهمنا إلا الألعاب وقربنا من الأهل والأحباب
كبـــرنا ..عرفنا المشاعر والأحلام
ومن هموم الدنيا صـــرنا ما ننــــــام
كبرنــا إيي كبــرنا ..
ونتمنى يرد الزمن وونصير صغار !!
___________________________
جــــروحي!! يا روحي ؟
******************

هلا بالجرح دامه من ريحت أحبابي ..
هلا في طعن السيف دامه من الغالي..
هلا في أقسى قلب عرفته بحياتي ..
هلا في أصغر عقل نوجد يا غلاتي!!
هلا في شخص ما يستحق كل تضحياتي!!
هلا فييك وتعال إسكن بأتعس ذكرياتي !!
____________________________
خطى ودروب
************
خطوات ودروب مشيناها !!...
قابلنا ناس في القلب ذكرها... و برمشة عين فقــدناها ..
راحت وبالقلب غلاها..
ونظل نتسائل ونقول :
يا ترى بنسترجعها ..مثل ما سترجعنا
ذكراها؟!
_____________________________
وداع ورحيـــل
************
يحمل أصعب ما يمـــر فيه الإنسان
يرحلون .. ..وما يبقى إلا الشجون!!
ولا شي غير "إن لله وإن إليه لراجعون"..
وداع..إحنا نختاره..إحنا نبدييه..
بدينا نبنيه ..وتنزل عليه دموعنا..
نبجي على كل شي ضاع ونقول هذا الوداع..!!
والغريب..؟
إن إحنا إلي أخترنــا!!
________________________
نفـــاق لا يـــدوم !!
************

ليما تجامل وتعتقد ان هذا الوفاء
ليما ترسم بويهك إبتسامتك الصفراء
ليما تطعن بـــييدك ظهر أعز الأصدقاء
مبــــــــروك علييك !!
إنت إكتســـــبت شخص يديد
بــــس خســــرت نفســك!!
____________________________
اعتــذار!!
*********
لكل من كــان له أحلام وتحقق منها القليل
لكل من له أماني ولم يجــد لها سبيل
تـــوقف وتذكر
إننا بشــر تحكمنا قيم وعادات
جعلتنا نرحل ونترك أحلى الذكريات
راضيين بما قدمنا حتى لو كان القلب مليئا بالآهات!!
___________________________
الأمـــل!!
********
لكل من واجه هموم الحياة
لكل من دمعت عيناه وجرح قلبه
لكل من قاسى وكافح لغيره
أجعل الأمل هو شعارك
تنام ليلك وتنعم بنهارك :]
___________________________
عندمــا تعاني
**********
عندما تعاني وتزيد الآلام..
لا تبكي ..أنظر لمن كان له ألم أكثر منك .!!
لا تنتظر من ينتشلك من الهزيمه !!
أنهض وأكمل بقوة
أعلم أن الإستسلام للضعفاء
كن منهم ..كن مؤمنا قويا لايخشى غيره !!
لا يخشى سوى خالقه
وأعلم إن لكل شيء
نهـــايه .
^^^^^^^^^^^^^^^^^^^^^^^^^^^^
آآآآآآآآآه يالســامري !!
عجيب يا جماعه حتى لو صوت المغني لك عليه !! تحس الإغنيه حلوه !!
ما أدري شفيني هاليومين على هالأغنيه
معلقه بالساني :d
بس تبون الصـــج حلوه ^_^
سمعوها !!




هناك 23 تعليقًا:

كبرياء وردة يقول...

مبرووووك النيو لوك

وايد حلو :)

Q80 Blogger يقول...

@@

والله خوووش ستايل !!!!!!!


وشالطاري البوشيه .. كلش مو راكب على ديكور المدونه !!!

ShaymoOona يقول...
أزال المؤلف هذا التعليق.
ShaymoOona يقول...

مبروك عساه منزل مبارك :)

-mate يقول...

عجيب!!!


عقبال مدونتي الظلمة

U-Turn يقول...

هلا وغلا كبرياء وردة
منوره المكان


حلت دنياج :]
والله يبارك فييج

U-Turn يقول...

q8 blogger
هلا بأخوي

لوووووول عجبك :d
تبيه ؟
ما يغلى علييك شوفه ورده :d


والله ما ادري كله من أبوي @@
غناها مره وبس لزقة فيني

U-Turn يقول...

shaymo0ona
حياج الله

الله يبارك فييج
يتبارك بوجودكم ان شاء الله :d

U-Turn يقول...

هلا بدكتورنا :d
مايت


ايي والله بس يبيلها نيو لوك مدونتك @@
عندي خوش تصميم عن ال chess تبيه :d

Amani يقول...

خلاص تعتبي

اييه والله حتى انا تعبت لي درجه لااعت جبدي وزهقت وطقيييت وحطيييت شكل عادي يوحي بأني من عالم الحجري والمشكله الوااانه قاعده على قلبي وتجييب القثه والهم والغم بس مبرووك النيوو لوك والفال لي

{~المباركية~} يقول...

اااي الحلاوه دي
خوش صطايل

يعطيج العافيه

7osen يقول...

شكله وااايد حلو عالبركة

بس الأهم إنج ما تقاطعين

مقطفات البوست جميلة

يعطيج العافية

U-Turn يقول...

amani

لوووووووول
ما تشوفيين شر
وسلامتج من التعب أختي العزيزه
@@


ياليت لو تعبانه من وك المدونه :d
عاد تصدقين عندي قبل أحلى
أحب الأســــــــــود

تعبت من كثر التحلطم وانا اوخيتج :d


حياج الله
مو تقاطعين عاد :]

U-Turn يقول...

هلا أخوي المباركيه

لوووول شفت شلون @@

نيوووو لك

عاد اهم شي ان الصطايل عجبك ;d


الله يعافييك
حياك الله

U-Turn يقول...

7osen

الله يبارك فييك أخوي

لا ان شاء الله ما نقاطع إلا بإنذار مسبق ;d


الأجمل مرورك أخوي

الله يعافييك
وهم حياك الله:]

عثماني يقول...

منزل مبارك ان شا الله

:)

خوش ديكور

و خوش كلام

:)

chــاي أخضر يقول...

وايد ظلمة

أسير الصبح إن شالله

U-Turn يقول...

هلا فييك أخوي عثماني

يتبارك بوجودكم ان شاء الله


حياك الله

U-Turn يقول...

جاي أخضر

منووره المكان


@@ ظلمه
كل هالثريا الي شكبرها وتقولين ظلمه @@


خلاص بعد سنه ان شاء الله نخليها لج صبح;d



شاكرتلج مرورج
إن شاء الله ما تقاطعينا

شركة المثالية يقول...


شركة تنظيف منازل بالخبر

شركة تنظيف منازل بالخبر شركة المثالية هي افضل شركة تنظيف بالخبر يمكنكم التواصل معها للحصول علي افضل خدمات تنظيف المنازل والشقق والفلل والبيوت والمجالس والكنب والسجاد والموكيت والمفروشات بجودة عالية ومواصفات قياسية حيث تعد شركة تنظيف منازل بالخبر اولي الشركات التي التي تخصصت في مجالل التنظيف بالخبر ولديها خبرة كبيرة وعمالة ماهرة وادوات تنظيف حديثة وطاقم عمالة مدرب علي اعلي مستوى فلا تترددوا في الاتصال بشركة المثالية للتنظيف بالخبر وسوف تحصلون علي افضل الخدمات المنزلية من نظافة ومكافحة حشرات بارخص الاسعار

شركة المثالية يقول...


شركة تنظيف بالخبر
شركة تنظيف كنب بالخبر
شركة صيانة مكيفات بالخبر
شركة تنظيف مطابخ بالخبر

المثالي ماكس يقول...

شركة مكافحة حشرات بالجبيل
شركة مكافحة النمل الابيض بالجبيل
شركة تسليك مجاري بالجبيل
شركة تنظيف مجالس بالجبيل
شركة تنظيف مجالس بالخبر


المثالي اون لاين يقول...

شركة تنظيف شقق بالقطيف
شركة مكافحة حشرات بالقطيف
شركة المثالية للتنظيف
شركة المثالية لمكافحة الحشرات
شركة تنظيف منازل بالخبر
شركة تنظيف فلل بالخبر
شركة تنظيف شقق بالخبر
شركة عزل اسطح بالخبر