مساء الخير ... وصباح النويير
أدري تأخرت على ما نزلت البوست .. والسموحه من الجميــع بس شنسوي الدنيا ومشاغلها
:p المهــم ...
مقدمــه لا بــد منها " لتفــادي اي شي غير متوقع " !!
تعــرفون ليمــا تسوون حق شي دعايه وتتوهقون !! تصير ردت فعل الجمهور أكثر من المتوقع @@بالضبط مثــل "مهرجان هلا فبراير !!" ليما نشــوف الدعايات نقول فبراير هالسنه أكييد غير وننصــدم فيه وبالإفتتاح ما نلقى غير شخصية ماروكو مالت السنين الي طافت تحــوس مع المذيعيين :D
هذا الي صار وياي كنت حاطه بوست في بالي وقلت بسوَق له بس إنصدمت بردت الفعل :p
المهم .. سألت روحي شنو الشي الي أقدر اكتبه ومحد قراه من قبل ؟
ولقيــت هالشــي...,,!!
ولقيــت هالشــي...,,!!
إيي لا تستغربون شي لا انت ... ولا اهو .. ولا انتي ... ولا اهي قريتووه !!
تــدرون ليــش لان واقــع أعيــشه أنــا !!
شــي يمكن وايد يحسون فيه مثلي .... بس أنا غيير !!
ربمـــا تتشــابهه النهــايات ولكنــها بالنهــايه ... تختـــلف !!
طول عمري وحياتي الشخصيــه شي خاص فيني ..,,مشكــلتي...,, حق كل شــي أحط حدود !... صداقاتي .. أهلي .. أمي .. أبوي .. أخواني ...حيــاتي ... حيــاتهم ...دراستي .. علاقاتي الإجتماعيه !!
المهم مو هذا موضوعنا
اليوم بتكلم عن شي فيني وفي غيري بس مثل ما قلت كل واحد يختلف !!
مثــل كل إنســان .. أكيــد أغلط ووايد بعد مو شوي "أزعل أمي !!.. أضايق أبوي وأرد أتأسف .. أعصب على أخــوي .. آخذ بخاطري على أتفه الأسباب .. يزل لساني وايد.. أزعَل هذا وأزعَل هذييك .. يمكن أقول شي ويفهموني غلط ... إلخ "
وما أستحي إني أغلط !!
لاني أغلط بس .. أتعب عقبها وايد... وأتعلم ..
ما سمعت !! تقول ليش؟؟
أنا أقولك ليش؟
لأني فيني طبع مره أحكم عليه أنه نعمــه ومــره أقول إنه نقمه
شلون !؟
من أحط راسي على المخــده أفكر شسويت اليوم كله .. شقلت حق هاذي وشقلت حق هذا !!
تصرفي صح ولا غلط !!
ليش عرييت على هذا بالسياره "والله لهدرجه"
أدري ان البعض بيحكم وبيقول مرض بس شسوي هذا شي فيني وما قدرت أغيره
أدري ان البعض بيحكم وبيقول مرض بس شسوي هذا شي فيني وما قدرت أغيره
بمجرد إني أستوعب إن في شي زعل أحد مني إييني أرق وما أقدر أنام
يعورني قلبي !!
يأنبني ضميري !!
وخاصه إن سويت شي يخلي أمي وأبوي يزعلون أو شي أدري انه ما يرضون أسوييه
بس هني يستلمني " تأنييب الضميــر"
مره سمعــت إن هذا شي زين إذا كان عندج " نفــس لوامه " وإن هذا من حب الله لج
!!والله أعلم :]
يمــكن هالكلام ما يهــم البعــض ويمكــن البعض بيقول هاذي شفيها فاضيه !!
يمــكن هالكلام ما يهــم البعــض ويمكــن البعض بيقول هاذي شفيها فاضيه !!
بــس الكلام الي كتبـــته نابــع من تجــربه شخصيــه ... وخاصــه فيني
ايي سويت شي غلــط وندمت عليــه بحياتي !! مو شي أشيــاء !!
يمكــن الغلط الي انا اشوفه كبير اشوفه من خلال إطار البيئه الي عشت فيها ..؟
يمــكن غيري يشــوف الشي الي سويته شــي عادي !!
غلطـــت وتعــلمت ..,, وكل صطار بتعلومه !!,,,
وللحين أغلط وأتفادى غلطاتي الي طافت !!
خــــلاصة الحــجي !!
والزبـــــــــده مثــل ما يقولون
الواحد حــلو يحاســب روحه
حـــلو إنه يعترف بغلطه
حــلو إن يتأســف إذا غلط
حلو يفكر يكون عنده ضمير ينبه
حلو ان يغلط ويتعلم وما يعييد الغلط
حلو ان يتعلم من تجاربه الشخصيه
حلو يفكر يكون عنده ضمير ينبه
حلو ان يغلط ويتعلم وما يعييد الغلط
حلو ان يتعلم من تجاربه الشخصيه
كــلام من قلبـــي نقلتـــه لكــم
وأتمنى إنكــم إستفدتوا .. حتى لو بشي قليل
قـــلت كـــلام قلبـــي أحـــلى شـــي مــا قريتووه صح ولا انا غلطانه :)
ماكو كلام أحلى من قلــب يبي الخيــر ومافي مصــلحه من ورا كلامه
وبالخـتـــام مــاكو أحـــلى من الســلام
شـــي ما قريتــــووه حـــادثــه لــن تتكـــرر:D
بــــس هاذي مقــدمة شـــي ما قريتـــووه :p
بــــس هاذي مقــدمة شـــي ما قريتـــووه :p
يتبـــع ..,,,
"بـــــــــوح قلبي "... شـــي ما قريتــــووه :]
عشـــان أكســـر فضــول البعــض شـــي ما قريتووه ...
خــاطره أنا كاتبتـــها ,,.. عــن تجـــربه وخطــأ شخصـــي تعــلمت منــه أشيــاء وايــد !! غيـــر أشيـــاء وايد فيني!!
وللحديـــــــث بقيـــــــــه...!!
هناك 24 تعليقًا:
اخيتي فوق تحت
تأنيب الضمير يتعب ويمكن يأذي وايد
بس اكيد ماكو تعب ببلاش
اذا كان عندج نفس لوامه شنو استفدتي ؟؟
ترتقي شخصيتج وأخلاقج
تصيرين انسانه عندها حكمه من التجارب اللي تمر فيها
هذا على حد كلامج ان الغلط تستفيدين منه وما تكررينه
الموضوع حساس .. يختلف من شخص لي شخص
وصدقيني تأنيب الضمير مرات يكون أوقات
مرات تحسين فيه ومرات لا
مرات تحسين فيه بزياده على ادق الاشياء
ومرات طبيعي مثل كل انسان
وانا اقولج الحين .. الطبيعي اهو النعمه
اما الزياده والدقيق والغير طبيعي هو نقمه ويسمونه بالكويتي وسواس
و الوسواس من مداخل الشيطان فديري بالج
موضوع متميز
مبين انه من قلب ومن عقب تجربه
والحياة من غير تجارب ميته
ابدعتي
شلالات
شقول وشخلي :]
درر وحكم مشاء الله علييج :p
ايي والله صدقتي
والله يبعدنا عن الوسواس :]
والحياة بدون تجارب مثل ما قلتي ميته
نستوحي الإبداع منج :)
يعطييج العافيه
والله لا يحرمنا منج :)
بإختصار ..
محاسبة النفس نعمه يفتقر إليها كثيرين ..
ترينها نقمه بينما أجدها رضى ..
رضى عن للنفس والذات .. رضى من لله .. رضى من للوالدين ..
كل منا يملك أحداثا وامورا خاصه عندما يتطرق لها الانسان فإن كثيرين مثلي يعتريهم الفضول في معرفة المزيد عن شخصية ذلك الشخص المختفي وراء لوحة المفاتيح والشاشه ..
قد يصعب علي استخلاص شخصيتك من واقع كتاباتك وردودك ..
ولكن أستطيع المراهنه على صدقك وبساطتك الذان التمسهما في طرحك من خلالك مدونتك ..
اتمنى ان لا تطول مدة الانتظار ..
يعطيج الف عافيه على البوست العفوي والصادق ..
تقبلي مروري..
kuwait
ياحلو احساسج
انتي بنعمه يااختي
فيه ناس تزعل وتشخط وتصارخ وتنام عالمخده ماهمها
وايد يازلي البوست
رسملي صوره لطيبة قلبك
بس مو تتغيرين
خلج جذيه
بصراحه فيه شي يقرقع بقلبي بقوله
اللحين اذا عريتي على واحد بالسياره تتضايقين !!!
ياليت كل الاناث مثلك عشان بس يرحمونا
Kuwait
أقدر أقولج وبدون مجامله كل تعليقمنج أقراه ثلاث مرات عشان أرد عليه :)
لان يستاهل أرد على كل كلمه تقولينها ومع هذا أحاول وما أقدر أوصل حق رد أرقى من ردج :]
أكييد محاسبة النفس نعمه :)
بس ليما يصير مره وتتوترين وتفكرين وايد هني يصيير نقمه :)
تسلمين يالغاليه وما قصرتي من ذوقج وطييب أصلج والله :]
الله يعافييج وإن شاء الله ما راح يطول بس بيين يوم ويوم سيري علينا :p
يعطييج ألف عافيه على التعلييق الراقي والي الصراحه أخجلني :]
أخوي Barrak
الحلو مرورك
ايي والله الحمد الله صج نعمه :]
دوم ان شاء الله تيوزلك بوستاتي :]
ان شاء الله ما أتغير ..
ايي والله ...,
شوف بصراحه أول ما أعر على أحد ينقص ويهي وأنحرج خاصه إذا كان من النوع الي ما يشيل إييده من الهرن :p
وبعديين أنسى السالفه وأحط راسي على المخده وأتذكر... اول ما أوصل حق اللحظه الي عريت فيها اقول يعني شستفدت لو ناطره شوي و طاقه إشاره وخليته يطوف أحسن لي على الأقل أكسب فيه أجر:p
لوووووووول مردهم بصيرون لا تحاتي :p
يعطييك العافيه أخوي على تواجدك الدائم
ولا خلى ولا عدم :]
هالشي زين
ويدل ان ضميرج صاحي
مو مثل غيرج اللي على قولة المصاروة
ضربني وبكى
سبأني واشتكى
هلا بأخوي فتى الجبل ..,,
حيــاك الله أخــوي
مرورك الصــراحه شغل عـــدل :]
لوووووول الحمد الله طمنتني بصراحه بعض المرات أحس من كثر ما أفكر ان هذا وسواس!!
يعطييك العافيه وعســاك على القــوه
مرحبا
أولاً أهنيج على هالطبع
لأنه وايد زين ،، الإنسان اللى يحس بخطائة واللى يحاسب نفسه أكيد بيكون إنسان مسؤول ويحس بالغير
شكراً لأنج نقلتي لنا شي من أحساسج الحقيقي
:::::
بس على فكرة هذا شي قارينه
انا ماحسيت انه شي ماقريناه
كنت ناطر شي غير بس مادري شنو هالغير
هههههه
أجمل تحياتي عزيزتي
نبي 100 منج بس
عندهم قلبج الطيب ومحاسبة نفسهم بالصغيرة قبل الكبيرة
فعلا ما تحسينة يدل على طيبة اصلج
الكلام لما يطلع من القلب
يوووصل القلب من اوسع ابوابه
:)
وايد يصير فيني جذي
خاصة اذا ضايقت أحد او صار بيني
وبين شخص نقاش حاد نوعا ما
وحتى لو اهوا الغلطان
مستحيل انام ماقدر
بانتظااااار القادم :)
مشكوره اختي على مشاركتنا بهالمواضيع الحلوه .. صراحه موضوع وايد حلو وتذكيرنا بمراجعه نفسنا .. هالأيام محد يذكرنابمثل هالاسلوب :)
تسلم ايدج .
أخــوي 7osen
العفو العفو :]
اممم أخوي لازم تعلق على كل صغيره وكبيره :p
بس تمـــون :D
يا أخــوي مو هذا الشــي الي ما قريتووه أقرا آخــر البــوست وركــز عدل :D
البــوست الوراه خاطــره أنا كتبتهــا :p و هالبوست كان مقدمه لهــا
حياك الله البوست الياي :]
يعطييك العافيه أخوي حوسين :p
5:20 أخـــوي اسم غريب :] بس حلو
شنو يعني :p ؟
لا عــاد تــرى وايــد علي ..,,
أدري أكــو مني 2 بس بهالعالــم جان إحنا بخيير :p لووووول لا أتغشمر :d
تسلم أخــوي من طيب أصلــك و الله
يعطييك العافيه
وعســاك على القــوه
نشــوفك بالبوست الياي إن شاء الله :p
نجمتنا :)
شي حلو إنج تحسيين بالي أحسه ..:)
ساعات بهالإحساس أحس إنــي راضيه عــن روحي :]
بإنتظــارج بالقــادم :)
أخــوي the.thinker
العــفو وما سوينــا شــي :)
أسعــدني تواجــدك :]
وأستــانســت إن يــازلك البــوست
والله يســلمك ويســلم الجميــع من كــل شــر
يعطيــك العافيه على المــرور :]
ولا خلى ولا عــدم
صباح الورد و الريحان
شلونج خيتوو شخبارج ^_^
يوترن بوستج رووووعه و يهم الكل تدرين ليش لانه يتحجى عن الصمير و محاسبة النفس في وقت للاسف انعدم
فيه الضمير و احالوه تقاعد ..
و بعدين انا وحده نفسج احاسب روحي بنهاية اليوم و اراجع تصرفاتي من زعلته مني و منو اللي عصبت عليه و منو و منو و ما ارتاح الا اعدل كل
شي مضايقني ، ممكن تتضايقين من عمرج ساعات و تحسين نفسج بوسواس بس ماكو اروع من لا نمتي و انتي مرتاحه البال
و ربج راضي عليج ثم والدينج ^_^
بنتظار البوست اليديد
الله يحفظج يا الطيبه :)
سبحان الله .. اشلون تفرق بين انسان وانسان
تلاقين واحد داس على قطوه بالغلط ومايقدر ينام الليل
لكن غيره يمسح مدن كامله .. ماتتحرك فيه شعره !!!
بس ساعات المحاسبه بكل شي ترفع الضغط
الله يعينج
ويعطيج العافيه على البوست :)
ya36eech el3afya 3ala el post w am waiting for ur next post ;)
مرورج ووجودج الدايم أهو الروعه
أخــتي قلب طفله :]
صــاجه والله ماكو احلى من نومه وانتي مرتاحة البــال :]
الله لا يحرمنا من تواجدج
الله يعافييك ويخلييك أخوي q8i-blogger
ايي والله فــرق
اهو صج يتعــب بــس إحســاس راحة الضمير عقب هالتعب يونس :]
يعينــا أجمعين ان شاء الله
يعطييك العافيه
وعساك على القوة
Squirreliya
welcome :D
o0 alla y3afeech
o0 i*m waiting for you*r comment next post :p
nwrteenaa:D
صديقتي الطيبة!
الله يتمم عليك بطيبة قلبك وحسن محاسبتك لنفسك
انتي بنعمه
الله يحفظك يارب
صديقتي الغاليه إستكانه
آميين يا رب العالميين
ويخلييج لنا ولا يحرمنا منج
عساج على القوه :]
إرسال تعليق